Hollur matur - hluti af meðferð á Heilsustofnun

Á Heilsustofnun er litið á matinn sem hluta af meðferð. Alla daga er boðið upp á fjölbreytt grænmetisfæði, auk fisks tvisvar í viku. Boðið er upp á heilsute sem blandað er úr villtum íslenskum lækningajurtum með hverri máltíð. Leitast er við að bjóða einungis upp á lífrænt, ferskt hráefni en sem minnst af unnum matvælum. 

Öllum gestum sem dvelja í lengri eða skemmri tíma á Heilsustofnun er boðið upp á fullt fæði. Fáir vita hins vegar að hægt er að koma við í matsalnum og kaupa sér staka máltíð. Hægt að kaupa matinn til að borða á staðnum eða taka með sér. Það er upplagt að nýta sér þetta þegar vinir eða ættingjar eru heimsóttir eða menn langar einfaldlega í góðan og hollan mat.

Í matsal Heilsustofnunnar er einnig hægt að kaupa heilsubrauð, heilsute, fiskibollur og uppskriftabók Heilsustofnunnar.

Réttur dagsins

Sunnudagur 25. júní

Indverskar kjúklingabaunabollur með karrýsósu

Ávaxtagrautur

Salatbar

Skoða matseðil vikunnar

Við fáum reglulega reynslusögur frá gestum okkar og hér getur þú séð hvað þeir segja um dvöl sína á Heilsustofnun.

Skoða ummæli